U FONDU CORSU

U FONDU CORSU

Du 04/11 au 04/11.

Stonda :U FONDU CORSU DI A BIBBIUTECA UNIVERSITARIA, Mercredi 04 novembre 2026 à 18h00, Marie-France Demuynck. U Fondu Corsu di a bibbiuteca universitaria ghjè un arnese di primura per i studienti, l’insegnanti è i circadori di l’Università di Corsica è di l’altre università. In leia incù e discipline raprisintate à l’università è in i studii corsi (civilizazione, storia, literatura, lingua, scenza ecc.), scupreremu ducumenti assignalati cum’è i memorii, e tese, e pubblicazioni vechje è nove ma dinò ducumenti audiovisivi è archivii inediti. A ducumentazione s’adirizza à un pubblicu specializatu o micca, postu chì a bibbiuteca ghjè aperta à tutti è di gratisi. Stu locu hè un puntellu per l’amparera è a tramandera di a Lingua è a Cultura corsa, in cor’ di a Cità Università. Sta stonda incù Marie-France Demuynck, rispunsevule di u Fondu Corsu, ci prupone un percorsu pè raggiunà di u patrimoniu materiale è immateriale, è a pussibilità di a so valurizazione inde l’insignamentu è a ricerca, in una mossa d’innuvazione è di creatività. A Bibbiuteca di l’università ghjè locu di sapè, di furmazione, di creazione è di trasmissione. Sta stonda prupone dinò una lettura publica d’opare maestre di a literatura corsa incù a participazione di i studienti di l’Università di Corsica.